Kutangaza Injili ya Yesu Kristo kwa ulimwengu ili watu wapokee wokovu, uponyaji, na ukombozi kupitia Jina na Damu ya Yesu Kristo.

Kueneza Injili ili kuuleta ulimwengu kwa Yesu Kristo kwa kutoa huduma bora na yenye uwiano katika mafundisho, uponyaji, na ukombozi wa viumbe; na kuboresha uwekezaji wa kiuchumi wa Kanisa ili kuunga mkono dhamira yake.

Tunaamini waumini waliokoka kweli hawatafuti sababu ya kutenda dhambi. Wanawezaje kufanya hivyo ikiwa wameguswa na upendo na dhabihu ya Yesu?

Tunaamini wanatafuta njia ya kutoka kwenye dhambi na kutoka kwenye gereza la hofu, hatia, na hukumu. Tumeshuhudia kwamba kadri tunavyohubiri neema ya ajabu ya Mungu na upendo wake usio na masharti, ndivyo tunavyopokea ushuhuda baada ya ushuhuda kutoka kwa watu kote duniani ambao wamewekwa huru kutoka kwenye ponografia, ulevi, dawa za kulevya, na uasherati. Hiyo ndio nguvu ya injili ya neema. Yesu anapohubiriwa, dhambi inapoteza nguvu za kutawala maisha ya watu na toba ya kweli hutokea.

Warumi 5:17 inatuambia, “Kwa maana ikiwa kwa kukosa mtu mmoja mauti ilitawala kwa sababu ya yule mmoja, zaidi sana wao wapokeao wingi wa neema, na kile kipawa cha haki, watatawala katika uzima kwa yule mmoja, Yesu Kristo.”