Ili uweze kubadili maisha yako badili namna ya kuongea kwako.

Mwana wa Mungu inawezekana kubadilisha Maisha yako ikiwa utaamua kubadilisha Akili yako katika namna unavyofikiri, unavyowaza na hata kuongea. Watu wengi wanatamani wabarikiwe, wanatamani maisha yao yabadilike na wanatamani kuona Utukufu wa Mungu katika maisha yao; lakini wakati wote vinywa vyao vinanena tofauti na yale wanayoyataka yatokee kwao.

Hata kama jambo ni gumu kiasi gani usiwaze kuwa hauwezi, la! Sema naweza, hata kama unaona kabisa hakuna njia ya kutoka katika hilo jambo sema mimi naweza, hata kama madaktari wamekwambia haiwezekani wewe kuishi, sema mimi nitaishi. Fundisha kinywa chako kutangaza Ushindi, ifenye Akili yako ikubali Ushindi na maneno ya kinywa chako yatangaze Ushindi nao utakuwa wako. Ni kweli kabisa ni ngumu lakini inawezekana ikiwa utaamini na kuitendea kazi Imani yako.